اُردو یونیورسٹی میں آف کیمپس پلیسمنٹ ڈرائیو/ جاب میلہ

حیدرآباد، 18؍ نومبر (پریس نوٹ) مولانا آزاد نیشنل اُردو یونیورسٹی، شعبہ کمپیوٹر سائنس و انفارمیشن ٹکنالوجی کے یونیورسٹی پلیسمنٹ اینڈ کیریئر گائیڈنس سیل اور پاتھوے ہیومن ریسورسیس پرائیویٹ لمیٹڈ کی جانب سے یونیورسٹی میں آف کیمپس پلیسمنٹ ڈرائیو کا اہتمام کیا جارہا ہے۔ پروفیسر عبدالواحد ، صدر شعبہ کے بموجب پلیسمنٹ ڈرائیو/ جاب میلہ 25؍ نومبر کو منعقد ہوگا۔ پلیسمنٹ مہم میں آئی ٹی، بی پی او، فارما، ایچ آر کی تقریباً



30 کمپنیاں شرکت کر رہی ہیں، جن میں ریلائنس، ایچ سی ایل، پولارس، اپیکس نالج ٹکنالوجی، جین پیاکٹ جیسی نامور کمپنیاں شامل ہیں۔ اس میں بی ٹیک (کمپیوٹر سائنس)، ایم سی اے، ایم ایس سی (کمپیوٹر سائنس، کیمسٹری)، ایم بی اے، ایم فارمیسی، بی فارمیسی، کوئی بھی ڈگری، آئی ٹی آئی، پالی ٹیکنیک 2015, 2016 بیاچ کے طلبہ رجسٹریشن کرواسکتے ہیں۔ خواہشمندطلبہ جناب بونتو کوٹیا سے موبائل نمبر 96669 95969 یا جناب محمد عمر 91604 07677 سے رابطہ قائم کرسکتے ہیں۔